Skip to main content

የኢትዮ ቴሌኮም ቁልቁለት

ፎቶ፤ www.stockphotopro.com

ሐሙስ ዕለት አመሻሹ ላይ ስልኬ ካርዱን ጨርሶ የጀመርኩትን ወሬ አቋረጠኝ፡፡ ወዲያው ካርድ ገዛሁና ሞልቼ ወሬዬን ለመቀጠል ተጣደፍኩ፡፡ ምን ዋጋ አለው? አዲሱ *805* የካርድ መሙያም ሆነ የቀድሞው 904 ገንዘቤን ሊቀበሉኝ አልቻሉም፡፡ ብስጭቴ እየተጋጋለ ደጋግሜ ስሞክር አመሸሁ፤ አልተሳካም፡፡ በማግስቱ ካርዱን ለወሬው የማድረስ ሕልሜ አልቆ፣ ገንዘቤን ከኪሳራ ለማዳን ማለዳ ጀምሬ መቀጥቀጤን ቀጠልኩ÷ በቀላሉ የሚሆን አልነበረም፡፡ በመጨረሻ እኩለ ቀን ሲቃረብ 805 – “Sorry, the operation failed. Bye” የሚለውን የተለመደ ጽሁፍ ካስነበበኝ በኋላ÷ ካርዴ እንደተሞላ የሚነግር አጭር የጽሁፍ መልዕክት ደረሰኝ፡፡ ደስ አለኝ ልበል?! ደስ ሊለኝ ግን አይገባም፤ ምክንያቱም ፍዳዬን ሳይ አድሬ ያረፈድኩት በኔ ጥፋት ሳይሆን በቴሌኮሙ የቴክኒክ ድክመት ነው፡፡

ኢትዮ ቴሌኮም ከየት ወዴት?
የኢትዮጵያ ቴሌኮሙኒኬሽን ኮርፖሬሽን የስንት ዓመት ስሙን በጥላ ቢሱ ኢትዮ ቴሌኮም የቀየረው የለውጥ ርምጃ የሚጀምረው በስም ለውጥ ነው ከሚል መርኅ ይመስላል፡፡ የራሱን የሚመስል ስም ያጎናፀፈው ፍራንስ ቴሌኮም ቴሌን ማስተዳደር ሲጀምር÷ የተጣለበት ተስፋ (ትርፍ መጨመር ቢሆንም) የተዘበራረቀውንና ዘመናዊነት የጎደለውን አሠራር እንዲያፀዳ በማሰብም ጭምር መሆኑም ይታወቃል፡፡ ግን እየሆነ ያለው የተባለው ነገር ነውን?

ፈረንሳዊው አስተዳደር ሥራውን አሀዱ ያለው የሞቱና ድርጅቱን የለቀቁ ሠራተኞን በኃላፊነት ቦታዎች በመመደብ ነበር፡፡ በርግጥ ያንኛው ለዚህንኛው ሲያስረክብ የተፈጠረ ስህተት ነው ተብለን አምነን ነበር፤ እየቆየን እየተመለከትን ያለነው ግን የዛኔውን እምነታችንን ዛሬ ላይ ቆመን እንድንጠራጠረው የሚያስገድድ ነገር ነው፡፡

ቴሌ ‹‹የኔትዎርክ ማስፋፊያ›› አድርጓል ከመባሉ በፊት ይገጥመን የነበረው÷ አታካች ‹‹የደወሉላቸው ደንበኛ ከአገልግሎት መስጫ ክልል ውጪ ናቸው›› አሁን የለም፡፡ የሌለው ችግሩ ተቀርፎ ወይም ሁሉም የኢትዮጵያ ክልሎች በአገልግሎት ተዳርሰው ግን አይደለም፡፡ ‹‹የደወሉላቸውን ደንበኛ አሁን ማግኘት አይችሉም›› በሚል ቁጣ ተተክቶ ነው፡፡

ኢትዮ ቴሌኮም ይህንን ከልካይ የመሰለ እና የሚያበሳጭ ዓረፍተ ነገር የመረጠበት ምክንያት ምስጢር ነው፡፡ በተጨማሪም divert የተደረጉ ስልኮች ላይ ስንደውል “This party cannot accept your call” የሚል ሰንካላ ነገር እየተናገሩ÷ የደውልንለት ሰው እኛን ብቻ ያገደን እስኪመስለን ድረስ ያደናግሩናል፡፡ በበዓላትና በሰንበት ቀናት ‹‹ኔትዎርክ›› ማግኘት አስቸጋሪ ሁኗል፡፡ ሌላው ቀርቶ ሒሳብ ምሽት አካባቢ ላይ መሙላት የሞት ሽረት ትግል የሚጠይቅ ነገር እየሆነ ነው፡፡ በዚህ ዓይነት ቴሌኮሙ ወዴት እየተጓዘ ነው?

ቋንቋችንን መልሱልን?
ቀደም ሲል፤ ስልኬ (ወይም ‹ኦፕሬተሯ›) ታናግረኝ የነበረው በአማርኛ ነበር፡፡ ምክንያቱም ሲም ካርዱን ስገዛ አንዴ መርጫለሁ፡፡ አሁን ግን ያለኔ ፈቃድ በእንግሊዝኛ ብቻ ታናግረኛለች፡፡ ለምን?... ነው ወይስ ለፈረንሳዮቹ እንዲገባቸው ተብሎ ነው? ፈረንሳዮቹ የሚጠቀሙት በእኔ ስልክ ነው አንዴ?

ዓይነስውራን ምን ይዋጣቸው?
ዓይነስውራን ካርድ ለመሙላት የሰው ዕገዛ ግዴታ ያስፈልጋቸው ይሆናል? ሒሳባቸውን ለማዳመጥ ግን የቀድሞው 904 (በድምጽ) እንጂ የአሁኑ 804 (በጽሁፍ) አይጠቅማቸውም፡፡ ስለዚህ ኢትዮ ቴሌኮም 904ን በ804 አገልግሎት እተካዋለሁ ሲል (መጀመሪያ እስከ ‹ጃንዋሪ 31› ተብሎ ነበር፤ አሁን ደግሞ ላልተወሰነ ጊዜ ተራዝሟል) ሲል ወይም 904 አይቋረጥም የሚል ቃል ለመስጠት ሳይደፍር የቀረው እነዚህ ወገኖች ምን ይሁኑ ማለቱ ወይም ምን አስቦላቸው ይሆን?

ከማስታወቂያው እኛ ምን ተጠቀምን?
ኢትዮ ቴሌኮም የራሱን ማስታወቂያዎች ሲልክ ‹ያው ለኛው ነው› ብለን ዝም ልንለው እንችላለን፡፡ ነገር ግን ገንዘባችንን እየከፈልን የምንገለገልበትን ስልክ ተጨማሪ ገንዘብ እየተቀበለበት የማስታወቂያ መሸቀጫ የሚያደርገን በምን ሒሳብ ነው? እኛ ተገልጋዮቹ ቴሌ ማስታወቂያ ለቆብን ከሚያገኘው ገቢ የምንጠቀመው በምን መንገድ ነው? ማስታወቂያ የሚነገርላቸው ታሪፉን ይጋሩናል?

ድንቄም ‹‹ኢትዮጵያን ከመጪው ዘመን ጋር ማገናኘት!››
የቴሌ መፈክር ‹‹ኢትዮጵያን ከመጪው ዘመን ጋር ማገናኘት›› ቢሆንም የአሁኑን ዘመን እያስመለጠን ይገኛል፡፡ እኔ በዚህች አጭር ጽሁፍ የገለጽኩት ከቴሌ ኃላፊነቶች መካከል አንዷን፣ የተንቀሳቃሽ ስልክ አገልግሎትን መዝዤ፣ ያውም ከዚያ ውስጥ ጥቂቶቹን አጀንዳዎች ብቻ ነው፡፡ በጥቅሉ ግን ለግሉ ዘርፍ የማይፈቀደው የገዢው ፓርቲ ‹‹የምትታለብ ላም›› ቴሌ በችግር ተተብትቦ እኛንም እየተበተበን ይገኛል፡፡

የዕድገትና የትራንስፎርሜሽኑ ዕቅድ÷ በቴሌኮሙኒኬሽን ንዑስ ርዕሱ ውስጥ ‹‹… በዋጋም ሆነ በጥራት ተወዳዳሪ የሆኑ አገልግሎቶችን እንዲረጋገጡ ለማድረግ ያለውን የቴሌኮም ካምፓኒ ሥር ነቀል በሆነ መልኩ በማስተካከል ተቋማዊ አቅሙ መሠረታዊ ለውጥ እንዲያሳይ ይደረጋል…›› ይላል፡፡

‹‹የትራንስፎርሜሽኑ›› ዘመን ተጋምሷል፤ በዕቅዱ ውስጥ ‹‹ያለው ቴሌኮም›› ተብሎ የተጠቀሰው ቴሌ ግን በሥርነቀል ውድቀት ውስጥ እንጂ መሻሽል ውስጥ እንዳልሆነ ለባለቤቶቹ ስናረዳቸው ሐፍረት እየተሰማን ነው፡፡ መፍትሔው ‹‹ያለው ቴሌኮም›› የተባለለትን ቴሌኮም አገልግሎት ለግል ተወዳዳሪዎች መፍቀድ አሊያም ታማኝ ካድሬ ኃላፊዎቹን አንስቶ ሥራውን ማቀላጠፍ ለሚችሉ ባለሙያዎች መልቀቅ በቻ ነው፡፡
Labels:

Comments

  1. BekeleJanuary 27, 2012 at 11:06 PM

    ይሄው እኔም የገዛሁት ካርድ አልሞላም ብሎኝ:ይዥው እዞራለሁ::
    ምን ላድርግ 25 ብር እኮ ነው::

    ReplyDelete
  2. AnonymousJanuary 28, 2012 at 1:34 AM

    The massage saying ‹የደወሉላቸውን ደንበኛ አሁን ማግኘት አይችሉም› is very disrespectful. I wonder what they feel when they hear it. May be it is because they do not respect themselves it is a reflection. I thank u for mentioning only a single point of the whole scenario.

    ReplyDelete
  3. AnonymousJanuary 28, 2012 at 3:44 AM

    Giving the Telecom Sector to private investors is even going to be a terrible mistake. Because private owned corporate are even more greedy.
    I think the second choice, i.e. removing dumb cadres from the top positions and replacing them with people who have knowledge and experience would be great !

    ReplyDelete
  4. AnonymousJanuary 29, 2012 at 11:17 PM

    ይሄው እኔም የገዛሁት ካርድ አልሞላም ብሎኝ:ይዥው እዞራለሁ::
    ምን ላድርግ 25 ብር እኮ ነው::

    ReplyDelete

Post a Comment

Popular posts from this blog

The "Corridor Development" is a Façade of the Prosperity Party

Befekadu Hailu I have seen a news report claiming that 40% of central Addis Ababa will be demolished for the corridor development; I am not able to confirm the validity of the news but it sounds real to me given the size of massive operations in the demolition of old neighborhoods and construction of bike lanes, green areas, and glittering street lights. I like to see some beauty added to my city but cannot help mourning the slow death of it too. Addis Ababa was already in a huge crisis of housing and the demolition of houses is exacerbating it. Apparently, Prime Minister Abiy Ahmed is eager to showcase his vision of prosperity by demonstrating how fast his administration can do magic by beautifying the front sides of the streets with lights, new pavements, and painted fences ("to fake it until he makes it" in my friend's words). Therefore, he and his party do not care about the miserable human stories behind the scenes and they will harass you if you tell it (Azeb Woku...
1 comment
READ MORE (እስከመጨረሻ ያንብቡ)

መጽሐፍ የሚወጣው፣ የተዋነይ ዘ ጎንጅ 5 መሥመር ቅኔ

ጎንጅ ቅኔ ያጠናበት ደብር ሥም ነው። ደብረ ጥበብ ጎንጅ ቅዱስ ቴዎድሮስ ገዳም። ተዋነይ የባለቅኔው ሥም ነው። (የግዕዝ ትርጉሙ "ዋናተኛ" ማለት ነው።) ሊቁ ተዋነይ የልኅቀቱን ያክል እምብዛም አይወራለትም፤ ነገር ግን በዘመኑ ወደር የሌለው ልኂቅ ስለመሆኑ ሥራው ይናገራል። የሕይወት ተፈራ "Mine to Win" የተሰኘ ድርሰት መቼቱን በዐፄ ዮሓንስ ንግሥና ዘመን፣ በጎጃም/ጎንደር የቅኔ መማሪያ ደብሮች ያደረገ ልብወለድ ነው። ልቦለዱ የቅኔ ትምህርት ስርዓትን ያስተዋውቀናል፤ በበኩሌ የቅኔ ትምህርትን እና የቅኔ ሊቃውንት ታላቅነት ቀድሞ ከነበረኝ ግንዛቤ የበለጠ እንዲሆን አድርጎኛል። በተለይ የተዋነይ ዘ ጎንጅ (በውኑ ዓለም የነበረ ባለቅኔ) ተከታይዋ አምስት መሥመር ቅኔ መጽሐፍ የሚወጣት እንደሆነች ልቦለዱ አሳሰበኝ። ወይም በአጭሩ ብዙ ምዕራባውያን ስንት መጽሐፍ የጻፉለት ፍልስፍናን በአምስት መሥመር ይዟል። የቅኔው ትርጓሜ የመጽሐፍ ቅዱስን እና የመጽሐፍ ቅዱሱን ፈጣሪ ኅልውና ይሞግታል። “የአምን ወይገኒ ኵሉ ዓለም በዘፈጠረ ለሊሁ ብዙኃን እንዘ ይገንዩ ይስግዱ ቅድሜሁ ለነጽሮ ዝኒ ነገር እሥራኤል ከመይፍርሑ ሙሴ ፈጠረ ፈጣሪሁ ወ ፈጣሪ ፈጠረ ኪያሁ።” (ተዋነይ ዘ ጎንጅ። ምንጭ፣ሕይወት ታደሰ ወደአማርኛ የተረጎመችው የሕይወት ተፈራ መጽሐፍ) ትርጉሙን በኋላ እመለስበታለሁ። ስለተዋነይ መጀመሪያ የሰማሁት የበውቀቱ መጽሐፍ ላይ ነበር። እሱም በጨረፍታ - “የሌሊት ዜማዎች” የሚለው ግጥሙ ውስጥ። በውቀቱ ተዋነይን በግጥሙ ግርጌ ማስታወሻው አስተዋውቆን ያልፋል፣ “ተዋነይ በቅኔ ቤት አፈ ታሪክ ሞትን በግዝት ለሰባት ዓመታት ያቆመ ጀግና ነው"። ከዚያ በኋላ፣ አዲስ አድማስ ላይ የወጣ አንድ ጽሑፍ ተዋነይ የተላከበትን ...
1 comment
READ MORE (እስከመጨረሻ ያንብቡ)

የልጅ ሚካኤል አዲስ አበባ

በፍቃዱ ዘ . ኃይሉ “የአዲስ አበባ ብሔርተኝነት” ቢኖር ኖሮ መሪው ልጅ ሚካኤል ይሆን ነበር። አሁን አሁን እሱ ስለ አዲስ አበባ የዘፈናቸውን ዘፈኖች ቁጥር ራሱ በትክክል መቁጠር ይቸግረኛል። ለአዲስ አበባ ከተዘፈኑ ዘፈኖቹ ውጪም በየዘፈኑ ውስጥ የሚጨማምራቸው መልዕክቶች በራሳቸው መወድሰ አዲስ አበባ ናቸው። ለምሳሌ፣ በቅርቡ በለቀቀው ‘አዲስ አራዳ’ በተሰኘው አልበሙ ውስጥ ‘የድሬ ልጅ’ የሚል ዘፈን አለው። ዘፈኑ የተዘጋጀው ያው የአዲስ አበባ እህት ተደርጋ የምትቆጠረውን ድሬ ዳዋን ለማወደስ ነበር። ልጅ ሚካኤል ግን የአዲስ አበባ ፍቅሩ ያመልጠውና የሚከተለውን ያቀነቅናል፦ “መጣልሽ በሏት፣ ድሬ ድረስ፣  ከአዱ ገነት፣ ከሸገር፣ ከአዲስ ደረሰ፣... የሸገር ልጅ አራዳ ነው፣ ሰው አክባሪ፣ ሰው ወዳዱ፣ ቀላጅና ተረበኛ፣ ፍቅር ይዞ የሚተኛ፣ ‘አለው’ የለ፣ ‘የለው’ የለ፣ ከሁሉ ጋ፣ ግባ ጀባ...፤” ፤ ልጅ ሚካኤል በዚህ አልበሙ ብቻ አዲስ አበባን የሚያውድሰባቸው ሌሎችም ዘፈኖች አሉ፤ ‘ አዲስ አራዳ ’ የሚለው የአልበሙ መጠሪያ እና ‘ሸገር’ የሚሉት ዘፈኖቹ ዋነኞቹ ናቸው። ታዲያ እንዲህ በአዲስ አበባ ፍቅር የሚቃጠለው ልጅ ሚካኤል "ሊነግረን የሚፈልገው ምንድን ነው?" የሚለው ጥያቄ ደጋግሞ ይመጣብኛል። ይህ የልጅ ሚካኤል አዲስ አበባ ምንነትን ለመረዳት የሚጥር ፖለቲካዊ መጣጥፍ ነው። ‘አዲሱ አራዳ’ ማነው? በዚህ ዘፈኑ በብዙዎቻችን ዕድሜ የትዝታ ማኅደር ውስጥ የሚገኙ ነገር ግን በአዲስ አበባ ልማት ሥም የፈረሱ እና እየተረሱ ያሉ ሰፈሮችን ሥም ያነሳሳል። ዘፈኑ በግጥሙም በዜማውም፣ የሐዘን እንጉርጉሮ ያለበት ነው። ምሳሌ እንውሰድ፦ “ጨርሰሽ ስትወጪ ከቡፌ ዳ’ላጋ፣ ጠብቂኝ እንዳልል፣ ቆመሽ መሐሙድ’ጋ፣ አገር ...
3 comments
READ MORE (እስከመጨረሻ ያንብቡ)